Francisco Canosa presenta a Unidade Didáctica Xeoloxía de Galicia no Museo de Historia Natural da USC

Francisco Canosa presenta a Unidade Didáctica Xeoloxía de Galicia no Museo de Historia Natural da USC

A Asociación de Amigos do Museo de Historia Natural da USC organizou o mércores 21 de xuño ás 18:30 horas no Museo de Historia Natural da Universidade de Santiago de Compostela a presentación da Unidade Didáctica Xeoloxía de Galicia, de Francisco Canosa Martínez, doutor en Xeoloxía. Xunto con el, asistiron á presentación a vicepresidenta da Asociación de Amigos do MHN e directora do mesmo, María Isabel Fraga Vila, o director de Cuarzos Industriales e Ramsa, Rafael Fuentes e o director do proxecto, Roberto Almuíña.

Este material de carácter divulgativo ten por obxectivo dar a coñecer un pouco mellor a xeoloxía de Galicia, unha zona moi rica e cun gran patrimonio xeolóxico. Unha unidade didáctica que tamén pretende achegar aos estudantes de secundaria de bacharelato á xeoloxía do lugar onde viven mediante figuras, gráficos ou mapas que axudarán en gran medida a afianzar o seu coñecemento neste campo das ciencias naturais.

A unidade está dividida en 14 láminas en formato A3, nas que se amosa a evolución xeolóxica de Galicia desde a súa orixe ata os nosos días, facendo tamén énfase nas distintas zonas en que está dividida Galicia desde o punto de vista xeolóxico, os diferentes tipos de rochas que existen e que minerais industriais se atopan nesta rexión. Pero en especial o seixo, un mineral estratéxico que o Grupo Ferroatlántica explota en 4 xacementos (Mina Sonia, Mina Serrabal e Mina Esmeralda, na provincia da Coruña, e Mina Conchitina na provincia de Lugo). Dada a importancia que teñen estes xacementos de seixo para Galicia, inclúese tamén unha lámina de cada unha delas.

Read 1958 times

SOBRE ARIGAL

A Asociación Galega de Áridos (Arigal) é unha organización empresarial galega integrada por máis de 74 empresas que desevolven a súa actividade nas distintas áreas do sector dos áridos: industria, fabricación, tratamento e distribución. En total, as firmas asociadas operan en 75 centros de actividade e xeran arredor de 3.600 postos de traballo, entre empregos directos e indirectos. No exercicio de 2019 os asociados de Arigal sumaron unha cifra de negocio conxunta de 51,2 millóns de euros.

 

Boletín informativo

Súmate aos centos de persoas que reciben o noso boletín informativo Arigal Novas enviándonos un correo electrónico coa túa solicitude ao seguinte enderezo: info@arigal.gal