O goberno da Asociación Galega de Áridos correspóndelle á Asemblea Xeral -órgano composto pola totalidade dos membros-, á Xunta Directiva e ao presidente da mesma, segundo se recolle nos artigos 23 e 24 dos Estatutos de Arigal.

A Xunta Directiva está formada por 11 integrantes elixidos pola Asemblea Xeral e son eles os que deciden os cargos, nomeadamente a presidencia, as vicepresidencias, a secretaría e a tesourería, ocupando o resto dos directivos as vogalías. Ademais, o equipo reitor apóiase para o desenvolvemento das súas funcións nun Comité de Relacións Institucionais e nun Comité Técnico, así como na figura do director executivo, que na actualidade correspóndelle a Carlos Martínez Torres. Dende Decembro do 2020 a Xunta Directiva está presidida por Alberto Novoa Rodríguez da empresa Graveras Castro, S.L., que tomou o testemuño de José Lista Tasende, da empresa Lista Granit S.A., que desempeña funcións de Vicepresidente 2º.