O seu presidente, José Lista Tasende, nunha comunicación remitida a todos os asociados, adheridos e invitados, sinala que no encontro abordaranse os novos retos e camiños que o sector dos áridos en Galicia afronta nos vindeiros anos e cales son as propostas da Asociación para levalos a cabo. Entre elas, destaca o reto da internacionalización e novas aplicacións dos áridos, así como o reforzo da marca ARIGAL e a consolidación e expansión da plataforma Atrazex, que xa está funcionando en máis de 300 centros de produción de 13 comunidades autónomas españolas.

O acto celebrarase no auditorio do edificio Cinc da Cidade da Cultura de Galicia, no Monte Gaiás, en Santiago de Compostela, ás 10:30 h en primeira convocatoria e ás 11:00 h en segunda.

Tras o peche do acto, a partir das 14.15 h, no salón de Convencións do mesmo edificio, terá lugar un xantar de traballo no que se prevé a asistencia das autoridades políticas invitadas.