José Lista acaba de asumir o cargo en substitución de Joaquim Magalló, que pertence á asociación valenciana, tras efectivizarse un traspaso de poderes que xa estaba acordado previamente polos membros da FdA.

Da importancia do nomeamento para a asociación galega, dá boa conta a grande representatividade da Federación de Áridos no territorio español, xa que, dende a súa creación no ano 2007, defende os intereses das empresas produtoras de áridos nos ámbitos nacional e internacional, representa ao sector cara a Administración Xeral do Estado e integra a preto de 700 industrias que xestionan 1.100 canteiras espalladas por todas as comunidades autónomas.

Unha gran oportunidade

AGA valora o nomeamento de José Lista como presidente da FdA como un recoñecemento  ao traballo desenvolvido en Galicia para favorecer o impulso do sector dos áridos, especialmente polas accións realizadas na área de innovación, coa creación da ferramenta de xestión de explosivos Atrazex, xa estendida a gran parte do mercado nacional; e medio ambiente, con moitas actuacións de restauración de espazos e proxectos singulares recoñecidos e premiados en España e Europa. Ademais, a defensa dos intereses lexislativos do sector, a loita contra a erradicación dos materiais ilegais e a aposta pola formación e a seguridade e saúde laboral tamén son outros dos puntos fortes do colectivo, que agora poderá estender ao fronte da federación nacional. 

Finalmente, AGA confía en que a asunción da presidencia da FdA supoña unha gran oportunidade para conferir aínda máis visibilidade e repercusión social ao traballo desenvolvido dende Galicia. Esta labor pretende potenciar ao sector como fonte de riqueza e emprego cunha acción empresarial sostible que sexa valorada pola sociedade como fundamental no progreso e no incremento da calidade de vida dos cidadáns ao ser os áridos un elemento imprescindible na construción de estradas, hospitais, centros educativos ou vivendas, entre outras infraestruturas.