O sector extractivo de Galicia xera máis do 1% do PIB da comunidade

O sector extractivo de Galicia xera máis do 1% do PIB da comunidade

  • A produción mineira de Galicia, que supón o 8% da nacional, lidera varios subsectores e xenera preto de 7.000 postos de traballo
  • AGA insiste na importancia económica e estratéxica do seu sector e reclama un cambio de modelo produtivo para subir o consumo de árido por habitante á media europea

 

A Asociación Galega de Áridos (Arigal) vén de demandar novamente un cambio de modelo produtivo para favorecer o impulso do sector e igualar o consumo medio de áridos por habitante á media europa tras facer unha ampla análise que revela a importancia económica e estratéxica dos áridos e a minería na comunidade. Así, o colectivo cre que as 2,25 toneladas por habitante ao ano que se están a mover en Galicia son insuficientes e deben artellarse medidas para acadar as 5,10 da Unión Europea. Neste senso, reclama a revitalización da obra pública e outras medidas que permitan conseguir esta cifra e, principalmente, mantela sostible no tempo.

 

Para fundamentar a súa demanda, Arigal, como representante dun dos principais subsectores mineiros galegos, lembra que a actividade extractiva en Galicia xenera o 1,08% do Produto Interior Bruto (PIB). Por outra banda, o sector dos áridos conta cunha gran importancia no desenvolvemento da comunidade, xa que fixa poboación no medio rural e produce unha materia prima esencial, a segunda máis empregada polos seres humanos despois da agua. Asemade, está presente dun xeito destacado no mercado nacional grazas a súa aposta pola innovación, coa ferramenta Atrazex, para a xestión da trazabilidade de explosivos.

 

 

AGA seguíu debullando o panorama dun sector que precisa de renovados apoios para non esmorecer, sinalando que o seu leve crecemento no 2015, malia os fortes efectos da crise, foi posible aumentando a eficiencia dos seus procesos produtivos. Tamén cabe salientar a mellora na seguridade laboral, xa que a sinistralidade, segundo datos do Observatorio de Seguridade Mineira, desenvolvido polo Instituto de Seguridade e Saúde Laboral de Galicia (ISSGA) e a Camara Mineira, mingou un 47% nos últimos anos.

Read 1359 times

SOBRE ARIGAL

A Asociación Galega de Áridos (Arigal) é unha organización empresarial galega integrada por máis de 74 empresas que desevolven a súa actividade nas distintas áreas do sector dos áridos: industria, fabricación, tratamento e distribución. En total, as firmas asociadas operan en 75 centros de actividade e xeran arredor de 3.600 postos de traballo, entre empregos directos e indirectos. No exercicio de 2019 os asociados de Arigal sumaron unha cifra de negocio conxunta de 51,2 millóns de euros.

 

Boletín informativo

Súmate aos centos de persoas que reciben o noso boletín informativo Arigal Novas enviándonos un correo electrónico coa túa solicitude ao seguinte enderezo: info@arigal.gal