A xuntanza, que se celebrará en quenda de mañá dende as 10.30 horas no Pazo de San Roque de Santiago de Compostela, contará coa presenza da directora do Instituto de Seguridade e Saúde Laboral de Galicia (Issga), Adela Quinzá-Torroja; do director xeral de Enerxía e Minas, Ángel Bernardo Tahoces; e do presidente de Arigal, José Lista, nas intervencións de apertura. A continuación, abordaranse “A prevención de riscos laborais en empresas mineiras” a cargo do avogado Julio César Valle; “A responsabilidade penal derivada da prevención de riscos laborais” polo fiscal delegado de siniestralidade laboral da Coruña, Luis Anguita; así como outras responsabilidades derivadas do incumprimento da normativa en materia de prevención de riscos laborais, como o recargo de prestacións ou as sancións administrativas. Estes aspectos serán explicados por representantes da Seguridade Social.

Finalmente, tratarase a “Xestión da prevención de riscos laborais na empresa” coas aportacións de Florencio Quirós, director de Planta Frades e coordinador de seguridade e saúde de Erimsa; Rebeca Amaranta, responsable de seguridade e saúde de Prebetong Áridos-Grupo Votorantim; Javier Castiñeira, director técnico de Norprevención; e Enrique Mallón, secretario xeral de Asime.