Arigal reforza a súa marca co lanzamento dunha nova web que dá un maior protagonismo á divulgación sobre o sector
Luns, 17 Abril 2017 07:31- O seu deseño máis visual e responsive facilita o contacto desde os dispositivos móbiles.
- Gaña un maior peso a información corporativa e sectorial, ademais da comunicación coa sociedade.
Arigal colabora coa Xunta de Galicia na xestión de áridos reciclados para fomentar a economía circular no sector
Luns, 10 Abril 2017 14:15- O obxectivo é optimizar a valorización das máis de 700.000 toneladas de residuos de construción e demolición xerados ao ano na comunidade.
- Así o recolle un informe elaborado en colaboración coa Xunta de Galicia e a consultora Esmin Ingeniería.
A Asociación Galega de Áridos (Arigal) colabora coa Xunta de Galicia na aposta pola xestión de áridos reciclados como fórmula para fomentar a economía circular no sector, tal e como se recolle nun estudo realizado en coordinación coa consultora Esmin Ingeniería.
Arigal e a Cámara Mineira asinan un convenio para o emprego de Atrazex no control de explosivos
Mércores, 13 Abril 2016 15:26-
José Lista e Juan de Dios Martín pechan o acordo que permitirá que os membros da institución empreguen a innovadora solución ideada polo colectivo de áridos
-
A ferramenta tecnolóxica, que controla a trazabilidade dos explosivos para garantir a seguridade civil, está a ser usada por máis de 300 canteiras de toda España
A Asociación Galega de Áridos (AGA) e a Cámara Oficial Mineira de Galicia (COMG) veñen de asinar un convenio para a xestión da trazabilidade de explosivos en canteiras e minas da comunidade a través do emprego da ferramenta informática Atrazex, ideada e desenvolta pola AGA. O presidente de AGA, José Lista, e o da COMG, Juan de Dios Martín, rubricaron o acordo, que permitirá que os membros desta entidade empreguen a innovadora solución, destinada a controlar os explosivos por medio das novas tecnoloxías para garantir a seguridade civil.
Arigal esixe o cambio do modelo produtivo para igualar o consumo de áridos ao europeo
Venres, 29 Abril 2016 14:36-
O colectivo quere que as administracións promovan actuacións que eleven o consumo de áridos, situado en 2,25 toneladas por habitante ao ano, á media europea, de 5,10
-
A Asociación Galega de Áridos celebrará a súa asamblea o 29 de abril nun dos seus «peores momentos históricos» e reclamará a revitalización da licitación de obra pública
A Asociación Galega de Áridos (AGA) vai esixir, durante a súa asamblea anual, o cambio do actual modelo produtivo e económico para tratar de igualar o consumo de áridos, actualmente estancado, ás cifras medias de Europa. Neste senso, AGA revela que a media galega sitúase nunha cifra moi baixa, de apenas 2,25 toneladas por habitante ao ano, mentres que o índice europeo está en 5,10 toneladas por habitante ao ano.
O sector dos áridos solicita a revitalización da obra pública en Galicia para equiparar a súa produción á media europea
Venres, 29 Abril 2016 14:10-
O colectivo pide ás administracións que promovan actuacións que eleven o consumo de áridos, situado en 2,25 toneladas por habitante ao ano, á media europea, de 5,10
-
A Asociación Galega de Áridos, que asumirá a presidencia da federación nacional, destaca o éxito de Atrazex, a súa ferramenta de xestión de explosivos, en toda España
A Asociación Galega de Áridos (Arigal) solicita ás administracións a revitalización da obra pública, un cambio de modelo produtivo e o emprendemento de accións que impulsen o consumo de áridos ata alcanzar a media europea, xa que na actualidade o sector vese estancado ao contificar unha producción de 2,25 toneladas por habitante ao ano en Galicia fronte ás 5,10 de media no continente.
José Lista asume a presidencia da Federación de Áridos de España en representación de Arigal
Luns, 30 Mai 2016 14:08-
O representante dos áridos galegos toma o testemuño ao fronte da FdA en substitución de Joaquim Magalló, pertencente ao colectivo do sector na Comunidade Valenciana
-
A Asociación Galega de Áridos valora o nomeamento como un recoñecemento ao traballo desenvolvido en Galicia, sobre todo nas áreas de innovación e medio ambiente
O presidente da Asociación Galega de Áridos (AGA), José Lista Tasende, que accedeu a este posto o pasado mes de xaneiro, redobrará as súas funcións institucionais no sector, xa que acaba de ser nomeado como máximo responsable da Federación de Áridos (FdA), que é a entidade que ostenta a principal representación no ramo en España ao estar integrada polo Gremi d´Àrids de Catalunya, a Asociación de Empresas de Áridos da Comunidade Valenciana (Arival), a Asociación Nacional de Empresarios Fabricantes de Áridos (Anefa) e o citado colectivo galego.
Múltiples proxectos ambientais de canteiras galegas recuperan espazos para o agro, a industria, os servizos e o lecer
Mércores, 22 Xuño 2016 14:01Ata unha decena de proxectos de restauración ambiental de actividades extractivas galegas, algunhas delas pertencentes á Asociación Galega de Áridos (Arigal), están a recuperar para a sociedade espazos excavados que acadan unha segunda vida útil destinada ao agro, a industria, os servizos e o lecer.
O sector extractivo de Galicia xera máis do 1% do PIB da comunidade
Mércores, 22 Xuño 2016 13:58-
A produción mineira de Galicia, que supón o 8% da nacional, lidera varios subsectores e xenera preto de 7.000 postos de traballo
-
AGA insiste na importancia económica e estratéxica do seu sector e reclama un cambio de modelo produtivo para subir o consumo de árido por habitante á media europea
A Asociación Galega de Áridos (Arigal) vén de demandar novamente un cambio de modelo produtivo para favorecer o impulso do sector e igualar o consumo medio de áridos por habitante á media europa tras facer unha ampla análise que revela a importancia económica e estratéxica dos áridos e a minería na comunidade. Así, o colectivo cre que as 2,25 toneladas por habitante ao ano que se están a mover en Galicia son insuficientes e deben artellarse medidas para acadar as 5,10 da Unión Europea. Neste senso, reclama a revitalización da obra pública e outras medidas que permitan conseguir esta cifra e, principalmente, mantela sostible no tempo.
Arigal afonda na seguridade laboral e a prevención de riscos no sector dos áridos nunha xornada técnica
Xoves, 29 Setembro 2016 13:54-
A xuntanza, que terá lugar o mércores 28, abordará a prevención de riscos nas minas, a responsabilidade penal e administrativa e a xestión da seguridade
-
Participarán Bernardo Tahoces e Adela Quinzá-Torroja pola Xunta, o fiscal de siniestralidade da Coruña, Luis Anguita, e representantes xurídicos e empresariais
A Asociación Galega de Áridos (Arigal) segue afondando nas medidas de mellora da seguridade e saúde laboral e na prevención de riscos malia que os índices de siniestralidade do sector en Galicia son baixos. Así, tras a formación de máis de 200 traballadores nas últimas semanas a través dos cursos de seguridade mineira celebrados en distintas canteiras da comunidade, o colectivo celebra o vindeiro mércores, 28 de setembro, a xornada técnica “Responsabilidade empresarial en materia de seguridade e saúde laboral no sector dos áridos”, orientada sobre todo aos industriais e técnicos desta actividade.
Arigal pide a erradicación dos áridos ilegais, o pulo da e-administración e a corrección da inseguridade urbanística
Venres, 14 Outubro 2016 12:49-
A Asociación Galega de Áridos solicita melloras lexislativas nos eidos urbanístico, económico, empresarial, administrativo e medioambiental para impulsar ao sector
-
O colectivo tamén avoga por integrar a explotación de recursos naturais e a toma en consideración da riqueza mineira na planificación e ordenación do territorio
A Asociación Galega de Áridos (Arigal) solicita a adopción a curto prazo dunha decena de melloras lexislativas nos eidos urbanístico, económico, empresarial, administrativo e medioambiental para impulsar o desenvolvemento do sector estratéxico da explotación e extración de recursos naturais e mineiros en Galicia.
More...
SOBRE ARIGAL
A Asociación Galega de Áridos (Arigal) é unha organización empresarial galega integrada por máis de 60 empresas que desevolven a súa actividade nas distintas áreas do sector dos áridos: industria, fabricación, tratamento e distribución. En total, as firmas asociadas operan en 70 centros de actividade e xeran arredor de 3.600 postos de traballo, entre empregos directos e indirectos. No exercicio de 2015 os asociados de Arigal sumaron unha cifra de negocio conxunta de 37,5 millóns de euros.
Mapa web
Boletín informativo
Súmate aos centos de persoas que reciben o noso boletín informativo Arigal Novas enviándonos un correo electrónico coa túa solicitude ao seguinte enderezo: info@arigal.gal