Unha vintena de estudantes repoboan a canteira de Couso con motivo do día da árbore

Unha vintena de estudantes repoboan a canteira de Couso con motivo do día da árbore

Un grupo de alumnos do colexio CEMAR de Mondariz (Pontevedra) participou na plantación de árbores realizada na canteira de Couso de Prebetong Áridos, empresa pertencente a Votorantim Cimentos. A actividade realizouse con motivo da celebración do Día das Árbores, os Áridos e a Biodiversidade, unha iniciativa impulsada pola Asociación Galega de Áridos ( Arigal) e a Federación de Áridos (FdA).
 
Este evento ten como obxectivo dar a coñecer o sector dos áridos á sociedade e fomentar entre os nenos a importancia de coidar o medio ambiente, promovendo a reforestación e a súa condiición a mellorar a biodiversidade dos ecosistemas.
 
 
 

Os máis de 20 alumnos, que cursan 4º, 5º e 6º de Primaria, plantaron 30 bidueiros para rexenerar o manto vexetal das áreas xa restauradas da canteira de Prebetong Áridos. Ademais, puideron coñecer o proceso de produción dos áridos e a importancia dos minerais na súa vida cotiá.

O acto contou tamén coa presenza de representantes da Dirección Xeral de Enerxía e Minas da Xunta de Galicia, así como da Cámara Oficial Mineira de Galicia e de Arigal.

 

 

SOBRE ARIGAL

A Asociación Galega de Áridos (Arigal) é unha organización empresarial galega integrada por máis de 77 empresas que desevolven a súa actividade nas distintas áreas do sector dos áridos: industria, fabricación, tratamento e distribución. En total, as firmas asociadas operan en 75 centros de actividade e xeran arredor de 3.600 postos de traballo, entre empregos directos e indirectos. No exercicio de 2015 os asociados de Arigal sumaron unha cifra de negocio conxunta de 37,5 millóns de euros.