Novas

ARIGAL ABORDA NO CÓMIC INFANTIL “LAGARTIÑO E O FUTURO DA CANTEIRA” ILUSTRADO POR MANEL CRÁNEO A RECUPERACIÓN AMBIENTAL DESTES ESPAZOS NATURAIS

Mércores, 05 Decembro 2018 17:31

  - O ilustrador galego Manel Cráneo é o autor do deseños que teñen como protagonistas a dous habitantes destes ecosistemas, o camión dumper Lagartiño e a anduriña Roque.

 - A entidade presentou a campaña de prevención de riscos laborais “Cero accidentes” en 40 explotacións de toda Galicia.

 - Un vídeo documental recolle as opinións que diversos sectores sociais teñen sobre o sector nun exercicio de transparencia e responsabilidade social para mellorar a súa afección.

Arigal, a Asociación Galega de Áridos, presentou esta mañá en rolda de prensa o segundo cómic da entidade debuxado por Manel Cráneo (A Coruña, 1973), “Lagartiño e o futuro da canteira”, que ten como eixo condutor a recuperación da contorna natural unha vez acabada a actividade extractiva. Esta é a segunda ocasión na que o recoñecido ilustrador galego colabora con Arigal, tras a excelente acollida dun primeiro cómic en 2007 no que se abordaba a fabricación dos áridos. Ademais de estar colgado da web de Arigal, A nova tirada de 10.000 unidades, en idioma galego, utilizarase en labores de divulgación.

“En Galicia obtemos bos materiais e facémolo ben, de maneira sostible, polo que necesitamos achegar á sociedade a nosa tarefa. Con este traballo de divulgación marcamos unha diferenza no noso sector xa que comunicamos para todos e con cercanía”, sinalou José Lista, presidente de Arigal que estivo acompañado por Cráneo e por Valentín García, secretario xeral de Política Lingüística da Xunta.

O protagonista desta publicación infantil volve ser o camión dumper Lagartiño –nas canteiras chámaselles “lagartos”, de aí o nome- que, coa axuda de Roque, unha pequena anduriña dos rochedos (avión zapador, en castelán), que habita neste ecosistema, entenderá os beneficios que trae consigo a reconversión ambiental do espazo para convertelo nunha área recreativa de gran valor natural.  


Ao longo de 24 páxinas, as dúas personaxes forxan unha amizade que os leva pola contorna próxima para coñecer outros proxectos similares e comprobar de preto as variadas posibilidades económicas e sociais que ten a “segunda vida” das canteiras. Roque e Lagartiño visitan o Pazo da Ópera na Coruña, o futuro polígono industrial de Salvaterra de Miño (Pontevedra), ou as Areeiras da Limia en Ourense. Todos lugares dedicados hai anos á extracción de áridos.

Nesta viaxe construída arredor da temática ambiental, Lagartiño e os outros camións da canteira espantan os medos que lles supón a súa reconversión laboral e valoran as vantaxes da creación do novo hábitat tanto para os humanos como para a fauna.

Cabe salientar o éxito da primeiro número da serie de cómics de Lagartiño, publicado en 2007. Esta boa acollida permitiu a súa reedición mellorando textos e algúns retoques.

Vídeo documental


Precisamente, as opinións sobre a actividade extractiva –moitas veces feitas desde o descoñecemento ou os prexuizos- abórdanse no vídeo documental presentado tamén hoxe por Arigal. Así, entrevístase a representantes de varios colectivos sociais residentes nas proximidades dalgunha explotación mineira como os alcaldes de Silleda, Manuel Cuíña (Pontevedra), e Sandiás, Felipe Traveso (Ourense); o presidente da Sociedade Galega de Historia Natural, Serafín González Prieto, un mestre de primaria e unha traballadora dun espazo coworking de Vigo.

O resultado foi un vídeo de 25 minutos que mostra os aspectos máis controvertidos para minorar a súa afección e melloralos. É, ao fin, un exercicio de transparencia e de responsabilidade social corporativa coa contorna e co propio sector.  

Cero accidentes


O evento tamén foi aproveitado para dar a coñecer o novo plan prevención de riscos laborais no sector dos áridos de Galicia “Cero accidentes”. A pesar de ser unha actividade cunha baixa siniestralidade, como indican as estatísticas, “o único que contemplamos son accidentes 0. Con que só haxa un, xa é unha mala estatística”, recoñece Carlos Martínez Torres, director da Asociación Galega de Aridos.

Esta actuación consiste na elaboración e implantación dun manual para erradicar os accidentes nas canteiras galegas, na formación dos equipos directivos e do persoal técnico e na colocación de paneis de gran tamaño en 40 explotacións de pequeno e mediado tamaño de toda Galicia. Precisamente, desde Arigal destacan a boa acollida destes carteis entre os traballadores e a satisfacción persoal que senten por non contar un só percance laboral actualizando as cifras xa o primeiro día que recibiron o material.

Pola súa banda, a formación realízase ao mesmo tempo que a divulgación do manual. Nestes encontros, faise fincapé no rol de líderes que mandos superiores e intermedios deben asumir para que a plantilla se sinta motivada para interiorizar a nova política laboral.


 



Arranca a campaña “Obxectivo cero accidentes”

Xoves, 29 Novembro 2018 16:02

A Asociación Galega de Áridos- ARIGAL, ven de poñer en marcha a campaña “Obxectivo cero accidentes” que se está a levar a cabo  nas máis de 50 empresas que pertencen a ARIGAL.

Esta campaña desenvolvese dentro do marco das axudas da Consellería de Economía, Emprego e Industria dirixidas a entidades sen ánimo de lucro para impulsar a realización de accións que contribúan a mellorar as prácticas preventivas e ambientais do sector mineiro galego, a transferencia de coñecemento, o aproveitamento racional e eficiente dos recursos minerais, a Investigación e innovación no seu aproveitamento, así como a divulgación e promoción do devandito sector.

Esta campaña contempla a elaboración dun manual de axuda para a implantación de políticas de “cero accidentes”, así como asesoramento, e a colocación de carteis recordatorios da importancia na prevención no posto de traballo.

BRILLANTE CEREMONIA DE ENTREGA DOS X PREMIOS FDA DE DESENVOLVEMENTO SUSTENTABLE EN CANTEIRAS E GRAVERAS 2018

Xoves, 29 Novembro 2018 15:20

A ceremonia de entrega dos X Premios FDA de Desenvolvemento Sustentable en Canteiras e  Graveras 2018, aos que se presentaron 20 candidaturas, tivo lugar en clausúraa do Congreso, tras a lectura das conclusións. Estes premios concédense desde 1997 e, nas X edicións celebradas ata a data, 112 explotacións resultaron premiadas, incluíndo as 20 desta edición.

Carlos Martínez Torres, director da Asociación  Galega de Áridos exerceu de presentador da cerimonia na que participaron Alberto Núñez Feijoo, presidente @de la Xunta de Galicia, María  Belarmina Díaz Augado, presidenta do Xurado e directora xeral de  Minería e Enerxía do Principado de Asturias e José Lista Tasende, presidente da Federación de Áridos.

Igual que nas restantes edicións, contouse cun xurado independente, presidido pola directora Xeral de  Minería e Enerxía do Principado de Asturias, aquí presente, por unha representante do  MITECO, polo Secretario Xeral de CCOO Construción e Servizos, por dous catedráticos da Escola Técnica Superior de Enxeñeiros de Minas e Enerxía de Madrid, por un representante dunha ONG ambiental, e un vogal do Comité de Imaxe e Comunicación de  ANEFA que, na súa reunión celebrada o 26 de abril en Madrid, valoraron rigorosamente os proxectos presentados.

ERIMSA RECOLLE NO CONGRESO NACIONAL DE ÁRIDOS OS DOUS PRIMEIROS PREMIOS QUE AVALAN A MINERÍA MODERNA E SUSTENTABLE QUE DESENVOLVE EN GALICIA

Venres, 26 Outubro 2018 15:19

A Federación Española de Áridos apoia as boas prácticas ambientais que desenvolve a compañía en Ordes no marco da cita que clausurou o presidente @de la Xunta, Alberto Núñez Feijóo, en Santiago de Compostela

O director xeral de  Erimsa, José Luis Martínez  Embil, e o responsable da planta de Frades, Florencio  Quirós, recolleron de mans do presidente @de la Xunta de Galicia, Alberto Núñez Feijóo, os dous primeiros premios outorgados pola Federación Española de Áridos (FDA) nas categorías de “boas prácticas ambientais” e “seguridade e saúde”, polo seu labor en Frades e a comarca de Ordes e no centro de produción de Castelo (Pontevedra), respectivamente.

O dobre recoñecemento produciuse no marco do V Congreso Nacional de Áridos, que se desenvolveu no Palacio de Congresos e Exposicións de Galicia, en Santiago de Compostela. Xunto á FDA, a organización do Congreso correu a cargo das súas asociacións membro, entre as que figura a Asociación  Galega de Áridos ( Arigal).

Un xurado independente, conformado por profesionais científicos e técnicos, recoñeceu a  Erimsa co dobre galardón, ao que se suma a distinción co 1º Premio de Medio Ambiente e a designación, por parte da FDA, para que en ambos os casos concorran aos Premios Europeos de Desenvolvemento Sustentable que convoca en 2019 a Unión Europea de Produtores ( UEPG).

Erimsa impúxose ás candidaturas presentadas empresas do sector que desenvolven a súa actividade en 9 comunidades autónomas: Andalucía, Castela e León, Castela A Mancha, Cataluña, Madrid, Comunidade Valenciana, País Vasco e Murcia, ademais de Galicia.

Este dobre recoñecemento súmase aos obtidos en 2015 co proxecto de recuperación na concesión mineira “Villalba I”, en Begonte, que  granjearon á compañía un 1º Premio de Medio Ambiente FDA e o certificado europeo á excelencia.

O xurado recoñece, desta forma, a filosofía empresarial de  Erimsa, que desde hai máis de 30 anos leva a cabo en Ordes unha  minería moderna e sustentable cuxas prioridades son a harmonía coas actividades económicas tradicionais e o respecto do  medioambiente. Así mesmo, recoñécense os esforzos que permitiron erradicar o po de  sílice en Castelo.

Coa presidencia de honra do Rey Felipe VI, o V Congreso Nacional de Áridos desenvolveuse baixo o lema “Comprometidos coa sociedade”. O seu principal impulsor, a FDA, constitúe a federación máis representativa do sector ao aglutinar a preto de 700 compañías nacionais e internacionais e a 1.100 explotacións de áridos.

O presidente @de la Xunta, Alberto Núñez Feijóo, foi o encargado de clausurar esta cita de referencia no sector mineiro, que contou coa asistencia de numerosas autoridades e personalidades nacionais e internacionais.

ERIMSA OBTEN O RESPALDO DO SECTOR Á SÚA MINERÍA MODERNA E SUSTENTABLE CON DOUS PRIMEIROS PREMIOS QUE RECOLLERÁ NO CONGRESO NACIONAL DE ÁRIDOS

Xoves, 18 Outubro 2018 17:40
A Federación Española de Áridos, a través dun xurado independente, apoia as boas prácticas ambientais que desenvolve a compañía en Ordes con dous galardóns no marco da cita que acolle Santiago de Compostela do 24 ao 26 de outubro.
 
A filosofía empresarial de Erimsa, baseada nunha minería moderna e sustentable, vese referendada polos dous primeiros premios, nas categorías de “boas prácticas ambientais” e “seguridade e saúde”, que lle outorgou un xurado independente, composto por profesionais científicos e técnicos, e que recollerá no marco do V Congreso Nacional de Áridos.
 
Esta cita de referencia internacional, que terá lugar do 24 ao 26 de outubro no Palacio de Congresos e Exposicións de Galicia, en Santiago de Compostela, está organizada pola Federación Española de Áridos (FDA), a máis representativa da minería, xunto coas súas asociacións membro, entre as que se atopa a Asociación Galega de Áridos (Arigal).
 
O máximo recoñecemento na categoría ambiental apoia o labor de extracción de cuarzo que levou a cabo Erimsa en Frades e a comarca de Ordes no últimas tres décadas. A compañía emprega o sistema do cribado.
 
Esta técnica, respectuosa co medioambiente, posibilita a devolución das leiras aos propietarios en condicións idénticas ou mesmo mellores.
 
Erimsa posúe máis de 800 documentos que acreditan a entrega dos terreos en perfectas condicións aos seus donos, cos que sempre subscribe acordos voluntarios de aluguer. A compañía considera prioritaria esta metodoloxía, completamente compatible coas actividades económicas tradicionais (agrícola, gandeira e forestal), que vén implementando desde hai máis de 30 anos sen que se rexistraron incidentes.
 
Por outra banda, a FDA recoñece as medidas adoptadas por Erimsa no seu centro de produción de Castelo (Pontevedra), coas que logrou erradicar a emisión de po de sílice nunha das súas cabinas.Ambos os proxectos, seleccionados entre propostas remitidas por compañías de 9 comunidades autónomas, foron seleccionados pola FDA para concorrer aos Premios Europeos de Desenvolvemento Sustentable que convoca en 2019 a Unión Europea de Produtores ( UEPG).
 
Estes galardóns súmanse ao 1º Premio de Medio Ambiente FDA e o certificado europeo á excelencia que obtivo Erimsa polo seu proxecto de recuperación na concesión “Villalba I” (Begonte). O V Congreso Nacional de Áridos está impulsado pola FDA, que aglutina a preto de 700 compañías nacionais e internacionais e a 1.100 explotacións de áridos.
 
O Rey Felipe VI ostenta a presidencia de honra do Congreso, que este ano se celebra baixo o lema “Comprometidos coa sociedade”. O presidente da Xunta, Alberto Núñez Feijóo, será o encargado de clausurar a cita, na que se agarda a presenza de numerosas autoridades e personalidades nacionais e internacionais.

 

 

 

 

 

 

 

CONTINÚA A INTERNACIONALIZACIÓN DOS ÁRIDOS GALEGOS

Mércores, 17 Outubro 2018 09:43

Unha delegación de ARIGAL desprázase a Bruxelas, no marco das accións planificadas para a promoción dos áridos Galegos, co obxectivo de incrementar as exportacións e abrir novos mercados de exportación.

Esta Delegación aproveitará este desprazamento, para reunirse con membros da Axencia Europea para a Seguridade e a Saúde no Traballo ( EU- OSHA), para tratar as novidades relativas á silice cristalina. 

Santiago de Compostela.- Os próximos días 18 e 19 desenvolveranse en Bruxelas os Comités Europeos da UEPG, Unión Europea de produtores de áridos. Arigal, a Asociación que aglutina ao 95% das canteiras produtoras de áridos da nosa comunidade, acudirá este ano, dentro da campaña de accións que se están desenvolvendo para incrementar as exportacións e abrir novos mercados aos áridos de Galicia poñendo de manifesto as vantaxes competitivas dos áridos producidos en Galicia, tanto en calidade, como en capacidade de produción e loxística. Asistirán a estes Comités Europeos, representantes de todos os países da Unión Europea e países EFTA (Asociación Europea de Libre Comercio da cal forman parte Suíza, Liechtenstein, Noruega e Islandia), para celebrar diferentes reunións técnicas, así como múltiples encontros b2b, onde se expoñerán as características dos áridos de Galicia, e as vantaxes loxísticas que ofrecen as infraestruturas portuarias de Galicia.

Cabe destacar que na actualidade, varias empresas galegas, membros de Arigal, veñen desenvolvendo exportacións a varios destinos, tanto europeos (Bélxica, Holanda, Alemaña e Francia) como fose do continente, tales como Bermuda. Ademais destes encontros de índole comercial, a delegación de ARIGAL reunirase con membros da Axencia Europea para a Seguridade e a Saúde no Traballo ( EU- OSHA), para a posta en común, e valoración das accións desenvoltas desde o sector en Galicia, e solicitar o apoio da devandita Axencia ao esforzo de ARIGAL e das súas empresas asociadas na loita pola mellora continua das condicións de traballo nos centros de traballo galegos, sempre co obxectivo de protexer a seguridade e a saúde dos traballadores das canteiras galegas de áridos.

 



 

ERIMSA PRESENTA UN EXPENDIENTE DE REGULACIÓN DE EMPLEO ANTE A NEGATIVA DA XUNTA A OTORGAR NOVAS CONCESIÓNS QUE PERMITAN CONTINUAR COA EXTRACCIÓN DE CUARZO EN MESÍA, FRADES, OROSO E ÓRDENES

Martes, 04 Setembro 2018 07:18

O centro de produción de Frades verase abocado ao peche definitivo no caso de que continúe a actual situación, o que ocasionará graves prexuízos aos máis de 60 profesionais e as súas familias cuxo traballo depende da actividade desta planta

ERIMSA fai un chamamento á Xunta de Galicia para que desbloquee os expedientes en trámite e conceda os novos dereitos mineiros para continuar co seu labor de extracción de cuarzo de forma sustentable en  XANCEDA (Mesía), Frades, Oroso e Ordes. A compañía viuse obrigada en contra da súa vontade para presentar un Expediente de Regulación de Emprego Temporal, que entrará en vigor o 1 de xaneiro de 2019, debido a un esgotamento das reservas actuais.

A dirección de  ERIMSA xa comunicou ao persoal que, de continuar nesta situación, a planta de Frades verase abocada ao seu peche definitivo, co consecuente prexuízo para os máis de 60 profesionais que, de modo directo e subcontratados, traballan no centro.

ERIMSA lamenta profundamente ter que adoptar esta grave medida, que prexudica a numerosas familias do  Concello de Frades, pero a falta de materia prima fai inviable o desenvolvemento da súa actividade con normalidade.

Desde hai máis de 30 anos, traballou nunha área superior a 1.600 hectáreas de terreo da zona en perfecta convivencia con propietarios de terreos, explotacións agrícolas, gandeiras, administracións locais e veciños. A metodoloxía empregada é o sistema de  cribado de terreo que, a diferenza doutras técnicas mineiras mais invasivas, resulta completamente respectuoso co medio ambiente, ao preservar a capa vexetal, escavar a unha profundidade de 1,5 metros aproximadamente, extraer unicamente os birlos de cuarzo e, por último, volver depositar a capa vexetal retirada ao comezo do proceso. Así mesmo, o  cribado permite devolver os terreos explotados en perfectas condicións aos seus propietarios, mellorando incluso o seu rendemento en moitos dos casos. Así o acreditan os máis de 800 documentos de conformidade asinados por titulares de leiras nas que se extraeu cuarzo.

No seu afán por obter os novos permisos para prorrogar o seu labor na comarca, a compañía cumpriu estritamente cos esixentes requisitos impostos polas consellerías de Medio Ambiente;  Medio Rural e Economía e Industria. Recentemente, ratificou de novo e de forma oficial a súa renuncia para traballar en terreos cualificados como ecolóxicos; o seu compromiso de advertir aos propietarios de non incluír as parcelas na PAC durante o transcurso da actividade mineira; e o mantemento da produtividade das leiras.

A renuncia pública e expresa ao dereito de expropiación, a pesar de que a  lexislación vixente permíteo, é outra mostra máis da vontade da compañía de continuar desenvolvendo o seu labor en perfecta harmonía coa contorna aplicando a súa metodoloxía baseada na  minería moderna e sustentable.

ERIMSA subliña, ademais, as trabas impostas desde as diferentes consellerías e a demora na resolución de expedientes, algúns dos cales están en trámite desde fai sete anos.

O prexuízo que pode ocasionar o peche do centro de produción de Frades é extensible a todo o sector e ao conxunto da actividade económica de Galicia, que lidera a nivel nacional a produción de cuarzo cun 68% e alcanza o 98% das exportacións.


 

Colectivos do sector agrícola, forestal, gandeiro e mineiro constitúen unha plataforma pola sostibilidade do rural

Martes, 24 Abril 2018 11:14

Colectivos do sector primario alíanse na demanda de políticas medioambientais participativas que teñan en conta as necesidades e dereitos de propietarios e veciños, e das actividades económicas que se desenvolven no territorio

A lexislación ambiental ditase á marxe da poboación rural, que padece serias dificultades para manter as súas actividades produtivas e medio de vida

 

Representantes dos sectores agropecuario, forestal e mineiro entre outros, acaban de formar unha Plataforma na procura dun marco lexislativo que profundice na compatibilización das súas actividades coa protección do medio. A iniciativa xurde da preocupación pola proliferación de políticas de protección ambiental que non están tendo en conta as posibilidades dos distintos sectores produtivos de desenvolver a súa actividade de maneira compatible coa protección ambiental, sectores que xeran emprego e riqueza, factores indispensables para combater o abandono do rural e garantir unha protección real do medio.

Os sectores produtivos do rural advirten de que se está tecendo unha ‘tea de araña’ de lexislación medioambiental que limita innecesariamente todo tipo de actividades, o que acaba sendo contraproducente para a protección do medio: a menos actividade, menos poboación rural, menor xestión humana do territorio e máis risco de incendios catastróficos que destrúen o que se pretende protexer, como se comprobou recentemente en Galicia e Portugal.

Con esta iniciativa, a favor do desenvolvemento sostible, os impulsores das actividades económicas do rural aspiran a garantir unha protección real do patrimonio natural. Para isto, entenden fundamental que exista unha masa crítica abondo de poboación no rural que xestione o territorio de forma produtiva e sostible.

Esta masa crítica non se conseguirá sen a suma de todos os sectores de actividade que xeran valor e emprego no medio rural. E tampouco será posible se a política de conservación continúa baseándose unicamente na prohibición de labores que constitúen o medio de vida dos habitantes rurais.

É tamén necesario ter en conta as posibilidades de compatibilización da actividade económica e de protección do medio que ofrecen os principios da xestión sostible, a certificación medioambiental e a aplicación das distintas normativas sectoriais de prevención e corrección de impactos medioambientais, entre outras.

Os sectores representados na Plataforma Intersectorial defenden o carácter sostible da xestión forestal e agropecuaria, así como do aproveitamento dos recursos mineiros Trátase de “pezas claves de desenvolvemento e fonte de emprego cualificado e de calidade no medio rural”, de acordo cun dos retos e obxectivo estratéxico da Unión Europea: evitar o despoboamento de grandes áreas rurais, coa perda de riqueza e biodiversidade que isto representa.

Os catro sectores involucrados proporcionan en Galicia (onde arranca a iniciativa), máis de 68.600 postos de traballo directos e uns 147.300 indirectos, cun valor de exportacións duns 2.161 millóns de euros, e representan o 7,1 % do PIB galego. Ademais de proporcionar as materias primas para a construción, a industria e a alimentación.

A Plataforma traballará de forma conxunta pola compatibilización das actividades económicas do rural e a protección do medio ambiente e está integrada por diversas asociacións, clústeres e outras entidades representativas.

Nela figuran, do sector agropecuario, Unións Agrarias-UPA. O sector forestal está representado pola Asociación de Empresarios da Primeira Transformación da Madeira de Lugo; a Asociación Forestal de Galicia (AFG), a Asociación Sectorial Forestal Galega (ASEFOGA), a Asociación de Viveiros Forestais de Galicia (VIFOGA), o Clúster da Madeira e o Deseño de Galicia (CMD), a Federación Empresarial de Aserradores y Rematantes de Madera de Galicia e a Confederación de Organizaciones de Selvicultores de España (COSE). Por parte do sector mineiro, forman parte do grupo a Cámara Oficial Mineira de Galicia, o Clúster da Pizarra de Galicia, o Clúster do Granito, a Asociación Galega de Áridos (ARIGAL) e a Confederación Española de Industrias Extractivas de Rocas y Minerales Industriales (COMINROC).

 

 

O SECTOR DOS ÁRIDOS REXISTRA UNHA LEVE MELLORA EN 2017

Martes, 24 Abril 2018 10:28

A Asociación Galega de Áridos demanda un maior impulso da Administración á obra pública para seguir medrando a prol da dinamización da economía de Galicia

Santiago de Compostela, 20 de abril de 2018.- A Asociación Galega de Áridos (Arigal) deu a coñecer hoxe en Santiago, no marco da súa asemblea anual, a Memoria de 2017, que resume a actividade desenvolvida pola entidade e o balance da situación do sector en Galicia. Segundo os datos presentados, os áridos rexistraron unha leve mellora o pasado exercicio con respecto a 2016 en número de explotacións e de emprego, así como en produción e facturación. Porén, as cifras seguen lonxe dos niveis de hai cinco anos.

 

Ante esta realidade, o sector demanda un maior impulso da Administración á obra pública,  coa mellora das infraestruturas e o cumprimento dos prazos na execución dos proxectos presupostados, como é o caso do AVE. Ademais, sinala que boa parte do árido para esta obra vén de Portugal ou de Ávila, cando en Galicia hai explotacións con capacidade para proporcionalo.

Desde Arigal destacan que os áridos, como materiais imprescindibles para a construción, representan un indicador moi preciso do desenvolvemento económico dun país. Por este motivo móstranse insatisfeitos co lixeiro incremento rexistrado en 2017, que “pouco contribúe á dinamización da economía de Galicia” e non reflicte o esforzo de reestruturación e mellora feito polo sector nos últimos anos para facerlle fronte á crise.

O acto de presentación da Memoria anual da Asociación Galega de Áridos, que xa está dispoñible na ligazón, xuntou preto dun cento de empresarios e profesionais da minaría. A sesión contou tamén coa presenza de diversos representantes institucionais, como o director da Axencia Galega de Infraestruturas, Francisco Menéndez, ou o director xeral de Enerxía e Minas, Ángel Bernardo Tahoces, quen clausurou o encontro.

 

DATOS DE 2017

Na Comunidade galega operaron o pasado ano 72 canteiras, o que representa dúas máis que en 2016 e indica unha tendencia crecente desde 2014, cando había 61 explotacións. O emprego incrementouse lixeiramente, cun total de 836 postos de traballo directos, fronte aos 800 de 2016; e 2.841 indirectos, fronte a 2.800.

Canto á produción, os datos reflicten a recuperación con respecto a 2016, cunha suba de case o 10%, ao pasar de 7,74 millóns de toneladas a 8,50. Isto significa que cada galego consumiu 3,14 toneladas de áridos en 2017, fronte ás 2,84 toneladas de 2016. O consumo per cápita mantense así por riba de España, con 2,23 toneladas por habitante, pero aínda lonxe de Europa, cuxo consumo por habitante, segundo datos de 2015, está en 5,1 toneladas. 

Ademais, a facturación rexistrou tamén unha suba porcentual de case o 10%, ao pasar de 40,6 millóns de euros a 44,6. A pesar da suba con respecto a 2016, nin a produción nin a facturación chegan ao punto de inflexión que se deu en 2015, cando, con menos explotacións (67) e emprego (805), se alcanzaron 9,64 millóns de toneladas e 50,6 millóns de euros.

IMAXES DA ASAMBLEA

ARIGAL NOS MEDIOS

SOBRE ARIGAL

A Asociación Galega de Áridos (Arigal) é unha organización empresarial galega integrada por máis de 60 empresas que desevolven a súa actividade nas distintas áreas do sector dos áridos: industria, fabricación, tratamento e distribución. En total, as firmas asociadas operan en 70 centros de actividade e xeran arredor de 3.600 postos de traballo, entre empregos directos e indirectos. No exercicio de 2015 os asociados de Arigal sumaron unha cifra de negocio conxunta de 37,5 millóns de euros.

 

Boletín informativo

Súmate aos centos de persoas que reciben o noso boletín informativo Arigal Novas enviándonos un correo electrónico coa túa solicitude ao seguinte enderezo: info@arigal.gal