Arigal constituiuse en 1999 para defender os intereses xerais das empresas galegas adicadas á extracción, transformación industrial e comercialización de áridos. Na actualidade, conta con 48 empresas asociadas e 26 adheridas -procedentes de sectores auxiliares-, que xeran en conxunto 3.600 postos de traballo e alcanzan cifras de negocio superiores aos 37 millóns de euros anuais.

Estas magnitudes, xunto co esforzo realizado para modernizarse e ser máis competitiva, converteron á industria dos áridos nun sector estratéxico para a economía de Galicia. A innovación nos procesos industriais, a formación dos profesionais do sector, a mellora da saúde e seguridade laboral e a responsabilidade co medio ambiente son algúns dos principais retos que afrontan os asociados de Arigal neste primeiro cuarto de século.